Mbobo Zohluzo

Durban, October 17, 2017:  Kukhona isisho sesilungu esithi “Like fine wine radio presenters gets better with age”, ngiyaye ngizibuze umbuzo othi ngabe abaphathi bezinhlelo emsakazweni abakaze yini bahlangene nalesi sisho? Sekukaningi sibona imisakozo eminingi ichitha abasakazi ngoba ithi sebebadala abasekho “relevant” kwimakethe. Lokhu kuvele kumangeze ngoba kwalabo basakazi ababizwa nge “young blood” bavele bashaye udaka okube sekumangaza ukuthi yini ke ebahlulayo ukuba relavant? Uma uthi uthatha ukubheka, laba basakazi asebedabala ngingasho ngingabi namahloni ukuthi yibo kanye abaqonda abalaleli kanye nemikhokha (trends) emisha yezokusaka. Lokhu kufakazelwa izinombolo uma kuza ezinhlweni ezishayelwa yila basakazi okuthiwa sebebadala. Ake sithathe uDudu “Lady D” Khoza nohlelo lwakhe uJabul’ujule, lulalelwa yiwo wonke umuntu kusuka kwabadaba kuya kubantu abasha. Yingoba lomsakazi uyakuqonda ukuthi kusho ukuthi ukukhuluma nomlaleli osekhulule nomlaleli osemncane emsakazweni....

Kahleni bakwethu sizozibuka nini zonke lezi ziteshi zikamabonakude? Ngingumuntu okholwa ukuthi akumele imboni ethize iqhoqhobalwe umuntu oyedwa kodwa kulokhu ngiyavumelana nabakwa Etv ukuthi asikho isidingo sokuthi kube khona ezinye iziteshi zikamabonakude zamahhala. Abakwa Etv banxuse inhlangano elawula ezokusakaza kuleli Independent Communications Authority of South Africa (ICASA) ukuthi ingabe isakhipha amalayisense eziteshi zikamabonakude zamahhala  ngaphandle kokuthi kwenziwe uphenyo ukuthi sikhona  yini isidingo seziteshi ezintsha noma cha. Uzokhumbula ukuthi ngonyaka wezi-2014 izinkampani i- Medo Investment, Hola Media, Infinity Media Networks yomndeni wakwaGupta, Rubicon Investment kanye ne-Change TV Network bafaka isicelo zokuba neziteshi zikamabonakude zamahhala, lezi ezaziwa ngama Free to Air Licence. Uzokhumbula ukuthi abakwa Etv kwaba abokuqala  inkampani ezimele ukunikezwa i-Free to Air Licence kuleli, phela thina besijwayele u-SABC 1,2 no 3. Kubukeka ng...

Kuphelile ukuba yizintandane komphakathi waseNgwavuma, Jozini kanye nakwaMhlabuyalingana njengoba umsakazo wesiSwati, i-Ligwalagwala Fm usutholaka kulezi zindawo ku 103.5fm. Lokhu kulandela ukuthi izikhulu zomsakazo zithathe isinqumo sokugxumeka umbhoshongo kulezi zindawo. Ngithi kuphele ubuntandane nje ngoba ikulezi lezi zindawo kuphela lapha kwelikaMthaniya lapho ofica khona abantu abaningi abakhuluma isiSwati kodwa umsakazo wakuleli osakaza ngolwimi lwabo ubungafinyeleli kubona. Ngiyazi kubuhlungu kanjani ukuba sendaweni lapho ungakazi khona ukukhuluma ulwimi lwakho , lokhu obekwenzeka kulomphakathi ngikakufanisa nje nokucwasa, kodwa wona ubucwaswa ngokolwimi. Uma ukhululele kulezi zindawo uzomvumelana nami ukuthi isiteshi ebesize siyilamule futhi ekade silalelwa kakhulu kulezi zindawo kade yi-SBIS 1 (Swaziland Broadcasting Information Services 1), engani phela zisemgceleni waseSwazini. Uzophinde uvumelane nami ukuthi abantu bakulezi zindawo kade bengaphuthelwa uhlelo luka Sgayoyo...

Amaphutha amancane lawa abantu abangawanaki ona into  ngisho ngabe yinhle kanganani, okubuhlungu ukuthi emsakazweni iphutha elilodwa olenzayo lingakubangela ukuthi ulahlekelwe umlaleli noma abalaleli. Ngomhlaka 19 February ngo-16 :25 ohlelweni i-Woza Nabangani Bakho oKhozini Fm kwadlalwa ingoma ka-DMX esihloko esithi Who We Be, uma uyilalela lengoma inezinhlamvu zenhlamba, okwangithusa kakhulu ukuthi idlalwa kanjani ingoma enenhlamba emoyeni. Uma ngimcaphuna nje u-DMX khona la athi khona “ the Bullshit, the drama, the guns, the armour” abuye futhi lapho ingoma isiya ngasekupheleni athi  “These motherfuckers don’t know who we are” .  . Abantu abadala engabe ngihlezi nabo baze bacela ukuthi ngivule esinye isiteshi , ngathi uma ngithi ingoma isiphelile bangibuza ukuthi  ngazi ngani noma  uTshatha no Selby bazophinde badlale enye ingoma ezoqhulula inhlamba. Kuyamangaza ukuthi uhlelo olunoMdidiyeli kanye nabethuli ababili lungenza leliphutha elingaka. Ngaphandle ...

Awu bandla kwaphela kanjalo ngoMaMlabo. Kuqhume umkikizo kubuya umdlalo oyintandokazi i-Ashes to Ashes kwa Etv. Lomdlalo nawo ongena ngehora lesishiyagalombili uyibhincisela nxanye i-Generations the Legacy. Uzokhumbula ukuthi lomdlalo ubophele abadlali abaningi abaxoshwa kwi-Generations ngemuva kokuthi bengazwananga ngamaholo.   Abantu balibeke ngembaba ukuthi bese bekhathele ukubeleselwa ngenyoka uMaMlabo.  Abanye bebeze besho ukuthi qhubekani nibukele uMaMlambo wenu sekubuye umdlalo wangempela manje, abanye bethi sala kahle Generubbish. Kuyiqiniso ukuthi abantu abaningi kade bebuka iGenerations ngoba ingekho ngempela into abangayibuka ngalesi sikhathi edlala ngaso. Ngiyazibuza nje ukuthi yini ngempela sibeleswele ngeGeneration the Legacy ngelesi sikhathi, kusanda kuphuma izibalo zokuthi lomdlalo awenzi kahle ngokwababukeli, umdlalo okuwona ohamba phambilu uZalo kanye ne Skeem Sami. Impela njengoba kubuye i-Ashes to Ashes usazobhincela nxanye u-SABC, ukube bahlakanip...

Abukho ubulungiswa ohlelweni lama-Idols, ngibonile nje abantu bejabulela ukuthi kuwine uKarabo Mogane.  Yebo ngimujabulele umfoka Mogane kodwa ngaphinde ngaba nokumudabukela ukuthi kungenzeka kube ukuphela kwakhe ke lokhu. Selokhu ngaqala ukulandela loluhlelo lomculo angigculisekile ngendlela abaqhuba ngayo.  Ngidabuke kabi ngibona uVincent Bones ecula ngesikhathi kumenyezelwa owinile kulonyaka, selokhu ngagcina ukumbona ngesikhathi ewina ngonyaka odlule. Indaba kaMusa Sukwene angiyiphathi ngisho ukuyiphatha, kazi washonaphi angikaze ngizwe ngisho kuthiwa khona la ake abonakala khona kwangoma yakhe angikaze ngiyizwe emsakazweni. Lento yokuthi ama-Idols abe khona minyaka yonke ayibenzi ubulungiswa kulaba abasuke bewinile. Kudlalwa ngezingane zabantu, kwenziwa imali nje zona zisale zingena lutho. Ngicabanga ukuthi ama Idols kumele abekhona njalo ngemuva kweminyaka emibili. Lokhu kuzonikeza abadidiyeli baloluhlelo ithuba lokhuthi lowo osuke ewinile aqophe ngaphandle kokutataz...

Ubaba ongizalayo oyaye athi kimina uboqaphela amadlelo aluhlaza ngoba uwabona eluhlaza usakude kodwa uma usondela kuwona uyaqala ubone ukuthi cha awekho luhlaza njengoba kade ngisawabukela kude. Kuqhume umkikizo abantu bejabulela ukuthi isiteshi esitholakala kwi-Internet i-Netflix sezotholakala nakuleli. Kwakuyigidigi abanye baze basho ukuthi sekuyisikhathi sokuthi abakwa-DSTV bathole imbangi ngoba sebedakwe ukusutha. Ngibe umkhaya nomuntu ongazazi izinto uma ngiphuma eceleni ngithi, kungathi sisapatanisa ama-Data kaWhatsApp sowathathaphi ke lawa okutamuza amabhayisikobho kanye nama series kuNetflix. Ukuze ukwazi ukubuka iziteshi zakwaNetflix kumele ube nocingo noma i-tablet ozokwazi ukuyifaka i-Netflix App, yize ungakwazi ukusebenzisa i-decoder lena bona abayibiza nge set-top-box nakhona usading ukuthi ube ne-internet. Sonke siyazi ayabiza ama –data bundles, hlezi ngizwa abantu bekhala ubumayemaye bethi iphone idle airtime yabo bese kuyatholakala ukuthi bekade eku-internet. Kusek...