Ucwaningo lukhombisa ikusasa elimfiliba lama –Online Radio Stations


Durban, November 14, 2017:  Ucwaningo lwabe-Broadcast Research Council of South Africa (BRC) lukhombisa ikusasa elimfiliba lemisakazo esivele  yaba ngoqhimkhowe  eyaziwa ngama-online radio station. Uzokhumbula ukuthi lapha eNingizimu Afrika kusanda kumbuleka ikhasi elisha lemisakazo etholakala ku-internet, kulemisakazo sibala i-Cliff Central kaGareth Cliff wodumo lwe-5 FM nama Idols, iMassive Metro kaDJ Sbu, iTouch HD ka T-Bo Touch wodumo lweMetro FM kanye Mega Zone Hit Radio ezinze eMhlanga.
Lolucwaningo luveza ukuthi amaphesenti angama70 – 80 asakholelwa ukulalela umsakazo kuwayilense, amaphesenti angu37 – 52 alalela umsakazo kumakhalekhukwini, amaphesenti angama17 -23 wona athi alela umsakazo ezimotweni, amaphesenti aphakathi kuka7 no17 athi wona alalela umsakazo ngeDSTV Audi Banquet noma kuOpen View HD bese kuthi imbinjana yamaphesenti aphakathi kuka1-5 yona ithi ilalela umsakazo isebenzisa i-computer noma internet kakhulukazi uma isemsebenzini.
Yize noma lesi sigejana esingamaphesenti angu-5 sithi silalela umsakazo nge-internet akucaci ukuthi sisuke silalele lemisakazo emisha noma cha. Ucwaningo lwami  engulenzile kozakwethu abavamise ukulalela umasakazo ku-internet, abahlanu engikhulume nabo, abane kubona bathe bona bayazi ngalemisakazo ebizwa ngama online radio stations kodwa imvamisa  yabo ilalela imisakazo le ejwayelekile, SA FM, RADIO 702, POWER FM, UKHOZI, ECR , GAGASI FM KANYE NOMHLOBO WENENE. Oyedwa kulaba abahlanu yena uthe ubengaze ezwe ngalemisakazo.
Lokhu kufakazele lolucwaningo lwabeBRC ukuthi abantu abaningi abakakholelwa kulama-online radio stations.  Yize uT-Bo Touch wamemezela  ukuthi  ngesonto lokuqala beqalile ukusazaka kuTOUCH HD, i-app yabo yadownload(wa) abantu abangaphezu kwesigidi.  Nokho asiphindanga sezwa ukuthi ngabe lesi sigidi saqhubeka yini nokulalela lomsakazo.


Besingakezwa futhi ukuthi ngabe lemisakazo yenza kanjani uma kuza ngasezikhangisweni okuyizona ezingenisa imali kunoma yimuphi umsakazo. Sengike ngazinika isikhathi ngalela iTouch HD ebophele izinkakha zabasakazi okubalwa kuzo uGlen Lewis, uTim Modise, kanye naye uT-BO Touch. Isibonelo nje, ngike ngalalela i-Expensive Breakfast Show eshayelwa uGlen Lewis isikhathi engamasonto amabili, angikaze ngisizwe isikhangiso, kanjalo nohlelo i-Jampas olushayelwa inkakha yomculo uZola7 noZinhle nakhona kube yiso leso.
 Uma kuwuthi amaphesenti amahlanu kuphela alalela umsakazo ku-internet kodwa futhi iningi labo balalela lemisakazo ejwayekile, kuphinde futhi osomabhizinisi bangazifaki izikhangiso kulemisakazo, impela ikusasa limfiliba.
Sengivala ngithanda ukuthatha lelithuba ngikhumbuze abasakazi bazo zonke iziteshi sokusakaza ukuthi izicelo zokungenela ama-Libertry Radio Awards sezivuliwe. Usuku lokugcina lokufaka izicelo umhlaka-31 Januwari 2018. Imikhakha abasakazi abangangenela kuyo, kubalwa i-Best Breakfast Show Presenter; iBest Breakfast Show; iBest Afternoon Drive; iBest Afternoon Show presenter; iBest business & finance Show kanye neminye imikhakha eminingi.  Ngeminye iminingwane abasakazi bangavakashela ku www.libertyradioawards.co.za


Comments

Post a Comment

Popular posts from this blog

ILigwalagwala FM liyilamule kwabaningi ebebencela ngofile

Kuphelile ukuba yizintandane komphakathi waseNgwavuma, Jozini kanye nakwaMhlabuyalingana njengoba umsakazo wesiSwati, i-Ligwalagwala Fm usutholaka kulezi zindawo ku 103.5fm. Lokhu kulandela ukuthi izikhulu zomsakazo zithathe isinqumo sokugxumeka umbhoshongo kulezi zindawo. Ngithi kuphele ubuntandane nje ngoba ikulezi lezi zindawo kuphela lapha kwelikaMthaniya lapho ofica khona abantu abaningi abakhuluma isiSwati kodwa umsakazo wakuleli osakaza ngolwimi lwabo ubungafinyeleli kubona. Ngiyazi kubuhlungu kanjani ukuba sendaweni lapho ungakazi khona ukukhuluma ulwimi lwakho , lokhu obekwenzeka kulomphakathi ngikakufanisa nje nokucwasa, kodwa wona ubucwaswa ngokolwimi. Uma ukhululele kulezi zindawo uzomvumelana nami ukuthi isiteshi ebesize siyilamule futhi ekade silalelwa kakhulu kulezi zindawo kade yi-SBIS 1 (Swaziland Broadcasting Information Services 1), engani phela zisemgceleni waseSwazini. Uzophinde uvumelane nami ukuthi abantu bakulezi zindawo kade bengaphuthelwa uhlelo luka Sgayoyo...
Read more

Uqophe umlando uMzokoloko we I Love Mornings

Image
Durban, December 06, 2017:  Oshicilelweni lwangesonto eledlule ngikhulume ngokubukeleka phansi kwabasakazi abamyama. Ngibe sengithola izeluleko eziwukugxeka sakwakha, lokhu kungikhuthaze kakhulu angisho ngingananzi ukuthi ngiyayamukela futhi ngiyaykuhlonipha imibono egxeka sakwakha.   KuleliSonto ngikhethe ukuthi sibungaze  uMzokhona “Mzokoloko” Gumede  oshayela uhlelo lwasekuseni emsakazweni iGagasi FM olubizwa nge- + I Love Mornings with Mzokoloko.  UGumede uqophe umlando wokuba umsakazi wokuqala ngqa kulomsakazo kanye nasezweni lonkana ukuthi abalaleli bakhe bafinyelele kwisigidi(1 Million). Lenqophamlando isho ukuthi loluhlelo lukaMzokoloko yilona hlelo olulalelwa kakhulu kuleli uma kuqhathaniswa neminye imisakazo yesifunda.  Lokhu kuphinde kuchaze ukuthi lomsakazo(Gagasi FM) yiwona osumkhulu ukudlula yonke imisakazo yesifunda(regional radio stations) kuleli. Yize ngimjabulela uGumede kodwa ngijabula ngibuye nganeno ngoba ngiyazibuza nje ukuthi ...
Read more

Abasale ku-2017 ovilavoco bezintatheli

Nginesifiso sokuthi basale ku2017 ovilavoco bezintatheli kakhulukazi lapha emisakazweni yomphakathi asibadingi ku2018. Ake nihlukane nobuvila nokufudumeza izindaba bakithi, sicela ukuzithola zishisha. Ziningi kabi into ezenzeka emphakathini eniyisakazelayo kodwa asizwa lutho ngakho. Imibandela yemigomo yezokusaka yeziteshi zomphakathi ikubeka kucace ukuthi kumele nibike ngezinto ezenzeka emiphakathini eniyisakazelayo, kodwa ngenxa yokubuvila benu sizithola silethelwa izindaba ezifudumeziwe. Kuthini nje kuwena ungumfundi wezindaba, uqale uze uqede ukufunda izindaba lungekho ngisho olulodwa udaba olwenzeke endaweni lapho usakazela khona. Hlukanani nokuhlala e-newsroom niphume niyofuna izindaba.  Yebo ke usuluthathile ke udaba kwi internet usuzolokhu usibelesela ngalo ke manje, usuhluleka ngisho ukuqhamuka nenye "angle" kuloludaba.  Isibonelo nje, ngesikhathi lowo owabe eyisekela likaNgqongqoshe wezeMfundo uMduduzi Manana enecela lokhushaya owesifazane. Umfundi wezinda...
Read more