Ngeke ilibone elidlalayo iNetflix kuleli

Ubaba ongizalayo oyaye athi kimina uboqaphela amadlelo aluhlaza ngoba uwabona eluhlaza usakude kodwa uma usondela kuwona uyaqala ubone ukuthi cha awekho luhlaza njengoba kade ngisawabukela kude. Kuqhume umkikizo abantu bejabulela ukuthi isiteshi esitholakala kwi-Internet i-Netflix sezotholakala nakuleli. Kwakuyigidigi abanye baze basho ukuthi sekuyisikhathi sokuthi abakwa-DSTV bathole imbangi ngoba sebedakwe ukusutha. Ngibe umkhaya nomuntu ongazazi izinto uma ngiphuma eceleni ngithi, kungathi sisapatanisa ama-Data kaWhatsApp sowathathaphi ke lawa okutamuza amabhayisikobho kanye nama series kuNetflix. Ukuze ukwazi ukubuka iziteshi zakwaNetflix kumele ube nocingo noma i-tablet ozokwazi ukuyifaka i-Netflix App, yize ungakwazi ukusebenzisa i-decoder lena bona abayibiza nge set-top-box nakhona usading ukuthi ube ne-internet. Sonke siyazi ayabiza ama –data bundles, hlezi ngizwa abantu bekhala ubumayemaye bethi iphone idle airtime yabo bese kuyatholakala ukuthi bekade eku-internet.

Kusekude ukuthi uwe u-DSTV, njengoba usanda kwethula isiteshi samanani aphansi i-Go Tv, lesi siteshi uzothola ama-channel akwa DSTV angu-12 ngo R99. Lama-channel ahlanganisa uMzansi Magic kanye no Supersport. Buka ke uzokhokha u-R99 kanye ngenyanga uzibukele i-Tv kanti ngaba kwaNetflix ama-data bundles ka R 99 angikholwa nokuthi angakuqhuba isonto lonke. Kanti ngakolunye uhlangothi nesiteshi sakwa-Etv okuyi-OpenViewHD nayo idlondlobala, lapha ukhokha kanye mhla uthenga indishi kanye ne-decoder bese ubuka mahhala koze kubuye uJesu. Abakwa OpenVeiwHD basanda kudalula ukuthi sebenamakhasimnde evile ku-200 000. Usawukhumbula uTop Tv nawo awuzibekle phansi basanda kuzethula kabusha njengoba sebebizwa ngeStarSat- Digital kanti nabo ukhokha uR99 kuphela ngenyanga. Abe StarSat basanda kwenza isivumelwano nabe eTv ukuthi bakhombise ngesiteshi i-eKasi+ ukuze bakwazi ukuheha abantu bakuleli. Lokhu kusho ukuthi izinhlelo ze eKasi+ ezifana ne Catch it With Khanyi Mbau ngeke usazithola kwi eTv , OpenViewHD kanye naku eBotswana kuphela kodwa nakuyoStarSat. Namanje ngisasho angiboni iNetflix idlondlobala kuleleli ngaphezu kwalemikhiqizo evele ikhona.