Idlalwa Kanjani Enenhlamba Emoyeni

Amaphutha amancane lawa abantu abangawanaki ona into  ngisho ngabe yinhle kanganani, okubuhlungu ukuthi emsakazweni iphutha elilodwa olenzayo lingakubangela ukuthi ulahlekelwe umlaleli noma abalaleli. Ngomhlaka 19 February ngo-16 :25 ohlelweni i-Woza Nabangani Bakho oKhozini Fm kwadlalwa ingoma ka-DMX esihloko esithi Who We Be, uma uyilalela lengoma inezinhlamvu zenhlamba, okwangithusa kakhulu ukuthi idlalwa kanjani ingoma enenhlamba emoyeni. Uma ngimcaphuna nje u-DMX khona la athi khona “ the Bullshit, the drama, the guns, the armour” abuye futhi lapho ingoma isiya ngasekupheleni athi  “These motherfuckers don’t know who we are” .  . Abantu abadala engabe ngihlezi nabo baze bacela ukuthi ngivule esinye isiteshi , ngathi uma ngithi ingoma isiphelile bangibuza ukuthi  ngazi ngani noma  uTshatha no Selby bazophinde badlale enye ingoma ezoqhulula inhlamba.

Kuyamangaza ukuthi uhlelo olunoMdidiyeli kanye nabethuli ababili lungenza leliphutha elingaka. Ngaphandle nje komdidiyeli wohlelo, kukhona laba ababhekele ukudlalwa komculo (Music Compilers) emsakazweni, balenza kanjani iphutha lokuthi lengoma ingene emshinini?  Engikwaziyo ukuthi izinkampani zomculo uma zilethe ingoma emsakazweni, lengoba ezifuna ukuthi idlalwe ziyiletha ibe kabili, kukhona le abayibiza nge-clean version noma i-radio version. Lokhu kwenzelwa ukuthi kungadlalwa ingoma enenhlamba emsakazweni. Uma kuwukuthi abayilethenga i-radio version noma i-clean version, ama-Techinical Producers ayakwazi ukuthi ahlunge lezinhlamvu ezinenhlamba engomeni. Umbuzo enginawo ukuthi yabe ingekho yini i-clean version yalengoma? Uma yabe ingekho bahlulwa yini ukunzikeza uTechnical Producer ukuthi acime lezinhlamvu ezinenhlamba? Umsakazo unamandla amakhulu kabi ngabo kumele siqaphele njengabasazaki kanye nabadidiyeli bezinhlelo ukuthi yini esidlalayo emsakazweni singabulali isizwe.  Ngazitshela ukuthi wonke umuntu uyalenza iphutha, kunokwenzeka ukuthi lengoma ingene ngephutha, ngilindele ukuthi uTshatha no Selby bazoxolisa uma isiphela kodwa lutho babeyijabulele baze bathi ukuyilingisa nabo. Ngaxaxeka ukuthi abazwanga nje ukuthi lengoma inenhlamba.

Ngokuzayo kumele siqaphele ukuthi amaphutha afana nalawa awenzeki, angazi ukuthi abantu abadala engangihlezi nabo basaluvula yini uKhozi ntambama.