Kudlalwa ngezingane kuma-IdolsSA

Abukho ubulungiswa ohlelweni lama-Idols, ngibonile nje abantu bejabulela ukuthi kuwine uKarabo Mogane.  Yebo ngimujabulele umfoka Mogane kodwa ngaphinde ngaba nokumudabukela ukuthi kungenzeka kube ukuphela kwakhe ke lokhu. Selokhu ngaqala ukulandela loluhlelo lomculo angigculisekile ngendlela abaqhuba ngayo.  Ngidabuke kabi ngibona uVincent Bones ecula ngesikhathi kumenyezelwa owinile kulonyaka, selokhu ngagcina ukumbona ngesikhathi ewina ngonyaka odlule. Indaba kaMusa Sukwene angiyiphathi ngisho ukuyiphatha, kazi washonaphi angikaze ngizwe ngisho kuthiwa khona la ake abonakala khona kwangoma yakhe angikaze ngiyizwe emsakazweni.
Lento yokuthi ama-Idols abe khona minyaka yonke ayibenzi ubulungiswa kulaba abasuke bewinile. Kudlalwa ngezingane zabantu, kwenziwa imali nje zona zisale zingena lutho. Ngicabanga ukuthi ama Idols kumele abekhona njalo ngemuva kweminyaka emibili. Lokhu kuzonikeza abadidiyeli baloluhlelo ithuba lokhuthi lowo osuke ewinile aqophe ngaphandle kokutatazela, bese abakwa-Universal bezinikeza isikhathi esanele sokumaketha icwecwe lakhe kanye naye. Ngicabanga ukuthi ngemuva kweminyaka emibili lowo osuke ewinile engabe esekwazi ukuzimela.
Uzobona  kuzothi singakazi nokuthi lithini igama le-album ka-Karabo abenzi baloluhlelo bazobe sebesifundekela ngama auditions ka-2016.  Bakhangisa uhlelo lwabo ukudlula ukukhangisa lowo osuke ewinile ne cwecwe lakhe.  Labantu bagijimisa inzuzo phambili abanandaba ngempela nezingane ezisuke zingele lomcintiswano. Kulonyaka lomcintiswano uthole amavoti angu 20 million, bekubiza u-R 1.50 ukuvota . Lokhu kusho ukuthi loluhlelo lenze imali engaphezu kuka R 3000 0000 (Three hundred million) kulonyaka. Bheka ke ukuthi umuntu owinile uthole malini? Ngicabanga ukuthi ababukeli nokuyibo abavotayo kubamele bakusukumele lokhu , angikhathali ngisho ungathini kudlalwa ngezingane zabantu lapha kugaywa imali nje ngazo.
Abaculi esebemkatshubovu kulendima bazokutshela ukuthi kubaluleke kangakanani ukuthi inkampani oqophe kuyona iwumakethe umsebenzi wakho. Ngicabanga uke uzwe  abaculi sebethu bayashiya enkampanini abaqopophe kuyona ngoba imisebenzi yabo ayimakethwa. Uzomkhumbula uLira ehamba e-999 Music, uLvovo Derango ehamba ngaphansi kwabe EMI Music, Sphokazi naye wakhala esifanayo ehamba eNative Rythems nabanye abaningi. Koze kube nini  ngempela abakwa-Universal  bedlala ngezingane zabantu?

Ngicabanga ukuthi singabalandeli nabavoti  baloluhlelo kumele siyazi imibandela yenkontileka yomuntu  osuke ezowina lomncintiswano ukuze uma sivota sivote sazi ukuthi simfaka kuluphi utaku.
 

Comments

Post a Comment

Popular posts from this blog

ILigwalagwala FM liyilamule kwabaningi ebebencela ngofile

Kuphelile ukuba yizintandane komphakathi waseNgwavuma, Jozini kanye nakwaMhlabuyalingana njengoba umsakazo wesiSwati, i-Ligwalagwala Fm usutholaka kulezi zindawo ku 103.5fm. Lokhu kulandela ukuthi izikhulu zomsakazo zithathe isinqumo sokugxumeka umbhoshongo kulezi zindawo. Ngithi kuphele ubuntandane nje ngoba ikulezi lezi zindawo kuphela lapha kwelikaMthaniya lapho ofica khona abantu abaningi abakhuluma isiSwati kodwa umsakazo wakuleli osakaza ngolwimi lwabo ubungafinyeleli kubona. Ngiyazi kubuhlungu kanjani ukuba sendaweni lapho ungakazi khona ukukhuluma ulwimi lwakho , lokhu obekwenzeka kulomphakathi ngikakufanisa nje nokucwasa, kodwa wona ubucwaswa ngokolwimi. Uma ukhululele kulezi zindawo uzomvumelana nami ukuthi isiteshi ebesize siyilamule futhi ekade silalelwa kakhulu kulezi zindawo kade yi-SBIS 1 (Swaziland Broadcasting Information Services 1), engani phela zisemgceleni waseSwazini. Uzophinde uvumelane nami ukuthi abantu bakulezi zindawo kade bengaphuthelwa uhlelo luka Sgayoyo...
Read more

Uqophe umlando uMzokoloko we I Love Mornings

Image
Durban, December 06, 2017:  Oshicilelweni lwangesonto eledlule ngikhulume ngokubukeleka phansi kwabasakazi abamyama. Ngibe sengithola izeluleko eziwukugxeka sakwakha, lokhu kungikhuthaze kakhulu angisho ngingananzi ukuthi ngiyayamukela futhi ngiyaykuhlonipha imibono egxeka sakwakha.   KuleliSonto ngikhethe ukuthi sibungaze  uMzokhona “Mzokoloko” Gumede  oshayela uhlelo lwasekuseni emsakazweni iGagasi FM olubizwa nge- + I Love Mornings with Mzokoloko.  UGumede uqophe umlando wokuba umsakazi wokuqala ngqa kulomsakazo kanye nasezweni lonkana ukuthi abalaleli bakhe bafinyelele kwisigidi(1 Million). Lenqophamlando isho ukuthi loluhlelo lukaMzokoloko yilona hlelo olulalelwa kakhulu kuleli uma kuqhathaniswa neminye imisakazo yesifunda.  Lokhu kuphinde kuchaze ukuthi lomsakazo(Gagasi FM) yiwona osumkhulu ukudlula yonke imisakazo yesifunda(regional radio stations) kuleli. Yize ngimjabulela uGumede kodwa ngijabula ngibuye nganeno ngoba ngiyazibuza nje ukuthi ...
Read more

Abasale ku-2017 ovilavoco bezintatheli

Nginesifiso sokuthi basale ku2017 ovilavoco bezintatheli kakhulukazi lapha emisakazweni yomphakathi asibadingi ku2018. Ake nihlukane nobuvila nokufudumeza izindaba bakithi, sicela ukuzithola zishisha. Ziningi kabi into ezenzeka emphakathini eniyisakazelayo kodwa asizwa lutho ngakho. Imibandela yemigomo yezokusaka yeziteshi zomphakathi ikubeka kucace ukuthi kumele nibike ngezinto ezenzeka emiphakathini eniyisakazelayo, kodwa ngenxa yokubuvila benu sizithola silethelwa izindaba ezifudumeziwe. Kuthini nje kuwena ungumfundi wezindaba, uqale uze uqede ukufunda izindaba lungekho ngisho olulodwa udaba olwenzeke endaweni lapho usakazela khona. Hlukanani nokuhlala e-newsroom niphume niyofuna izindaba.  Yebo ke usuluthathile ke udaba kwi internet usuzolokhu usibelesela ngalo ke manje, usuhluleka ngisho ukuqhamuka nenye "angle" kuloludaba.  Isibonelo nje, ngesikhathi lowo owabe eyisekela likaNgqongqoshe wezeMfundo uMduduzi Manana enecela lokhushaya owesifazane. Umfundi wezinda...
Read more