Mbobo Zohluzo

Nginesifiso sokuthi basale ku2017 ovilavoco bezintatheli kakhulukazi lapha emisakazweni yomphakathi asibadingi ku2018. Ake nihlukane nobuvila nokufudumeza izindaba bakithi, sicela ukuzithola zishisha. Ziningi kabi into ezenzeka emphakathini eniyisakazelayo kodwa asizwa lutho ngakho. Imibandela yemigomo yezokusaka yeziteshi zomphakathi ikubeka kucace ukuthi kumele nibike ngezinto ezenzeka emiphakathini eniyisakazelayo, kodwa ngenxa yokubuvila benu sizithola silethelwa izindaba ezifudumeziwe. Kuthini nje kuwena ungumfundi wezindaba, uqale uze uqede ukufunda izindaba lungekho ngisho olulodwa udaba olwenzeke endaweni lapho usakazela khona. Hlukanani nokuhlala e-newsroom niphume niyofuna izindaba.  Yebo ke usuluthathile ke udaba kwi internet usuzolokhu usibelesela ngalo ke manje, usuhluleka ngisho ukuqhamuka nenye "angle" kuloludaba.  Isibonelo nje, ngesikhathi lowo owabe eyisekela likaNgqongqoshe wezeMfundo uMduduzi Manana enecela lokhushaya owesifazane. Umfundi wezinda...

Durban, December 06, 2017:  Oshicilelweni lwangesonto eledlule ngikhulume ngokubukeleka phansi kwabasakazi abamyama. Ngibe sengithola izeluleko eziwukugxeka sakwakha, lokhu kungikhuthaze kakhulu angisho ngingananzi ukuthi ngiyayamukela futhi ngiyaykuhlonipha imibono egxeka sakwakha.   KuleliSonto ngikhethe ukuthi sibungaze  uMzokhona “Mzokoloko” Gumede  oshayela uhlelo lwasekuseni emsakazweni iGagasi FM olubizwa nge- + I Love Mornings with Mzokoloko.  UGumede uqophe umlando wokuba umsakazi wokuqala ngqa kulomsakazo kanye nasezweni lonkana ukuthi abalaleli bakhe bafinyelele kwisigidi(1 Million). Lenqophamlando isho ukuthi loluhlelo lukaMzokoloko yilona hlelo olulalelwa kakhulu kuleli uma kuqhathaniswa neminye imisakazo yesifunda.  Lokhu kuphinde kuchaze ukuthi lomsakazo(Gagasi FM) yiwona osumkhulu ukudlula yonke imisakazo yesifunda(regional radio stations) kuleli. Yize ngimjabulela uGumede kodwa ngijabula ngibuye nganeno ngoba ngiyazibuza nje ukuthi ...

Durban, November 29, 2017 Bathelwe kanzima abasakazi bohlanga eziteshini zomsakazo ezilalelwa kakhulu ngabamhlophe kanye naboMdabu baseNdiya. Abalaleli bebela elimhlophe  kanye noboMdabu waseNdiya banokucabanga ukuthi abasakazi abamnyama banemiqondo emifushane futhi kumele basho lokhu okucabangwa yibo(abalaleli)  okanye  kumele babe nendlela ethize yokubeka izinto emoyeni. Laba balaleli engibabiza ngo “bhola lami” kuzomele bakhumbule ukuthi abasakazi abamnyama abacabangi njengabo futhi abazosoze bacangaba njengabo. Lokhu kungenxa yesimo sokukhu siqhamuka ezindaweni ezingafani futhi sikhuliswe ngendlela engafani nakancane.  Okunye futhi  okumele bakukhumbule ukuthi yebo imisakazo iyaye ibe nemakethe ethize eyisakazelayo kodwa  manje ayisekho  imisakazo esakazela abemhlophe nabomndabu waseNdiya kuphela. Sekue nezigameko eziningi lapho abasakazi abamnyama abasebenzela lemisakazo behlukumezela uma bekhuluma iqiniso futhi bebeka ubumo besimo senhla...

Durban, November 21, 2017:  SEKUQUBUKE omkhulu umsindo ngodaba lukaSne noLwazi oluzwakale ohlelweni lwantambama emsakazweni iGagasi FM,olwaziwa nge-The Kings Drive olushayelwa uSphe no DJ Naives.   Umlaleli ozibize ngoLwazi ushayele kuloluhlelo ecela ukuthi abasakazi bamulekelele ufisa ukufaka isicelo somshado kusinqanda mathe sakhe uSne emoyeni. Kuthe uma eshayelwa ucingo uSne, laphendulwa ngomunye wesilisa naye ozichaze njengesoka layo lentokazi. Kube sekusuka esinamathambo  kubangwa ukuthi ngubani ngempela isoka likaSne. Loludaba lube seluphenduka indabizekwayo ezinkundleni zokuxhumana abantu besho ukuthi kumele atholakale loSne aziphendulele. Nembala kuthe ngoLwesihlanu uSphe no DJ Naives benza isimemezelo sokuthi sebemtholile uSne futhi usuvumile ukuthi uzoziphendulela.   Kube sekuqhuma umkikizo kwama nokusebenza emahhovisi kanti abanye baze baphuma kungashayi isikhathi somlungu bephuthuma ezimotweni belindele ukuzwa lentokazi yodumo uSne iziphendulela...

Durban, November 14, 2017:  Ucwaningo lwabe- Broadcast Research Council of South Africa ( BRC) lukhombisa ikusasa elimfiliba lemisakazo esivele  yaba ngoqhimkhowe  eyaziwa ngama-online radio station. Uzokhumbula ukuthi lapha eNingizimu Afrika kusanda kumbuleka ikhasi elisha lemisakazo etholakala ku-internet, kulemisakazo sibala i-Cliff Central kaGareth Cliff wodumo lwe-5 FM nama Idols, iMassive Metro kaDJ Sbu, iTouch HD ka T-Bo Touch wodumo lweMetro FM kanye Mega Zone Hit Radio ezinze eMhlanga. Lolucwaningo luveza ukuthi amaphesenti angama70 – 80 asakholelwa ukulalela umsakazo kuwayilense, amaphesenti angu37 – 52 alalela umsakazo kumakhalekhukwini, amaphesenti angama17 -23 wona athi alela umsakazo ezimotweni, amaphesenti aphakathi kuka7 no17 athi wona alalela umsakazo ngeDSTV Audi Banquet noma kuOpen View HD bese kuthi imbinjana yamaphesenti aphakathi kuka1-5 yona ithi ilalela umsakazo isebenzisa i-computer noma internet kakhulukazi uma isemsebenzini. Yize nom...

Durban, November 07, 2017:  NGESIKHATHI ngizwa ngemisakazo emibili emisha i-Ntokozo FM ezozinza elokishini laseMlaza kanye ne eYethu FM ezozinza eMzinyathi ngijabule kakhulu kodwa ukujabula kwami kuvele kwasheshe kwashabalala wena owabona amazolo kuphuma Ilanga. INtokozo Yeningizumu FM kodwa ezokwaziwa ngeNtokozo Fm izoqala ukusakaza ngoLwesiHlanu lona lolu lwakusasa ku-101.2 FM kuthi i-eYethu FM ezosakazela eSkhebheni eNanda nezotholakala ku 94.4FM yona izoqala ukuzwala emoyeni ngoJanuwari. Yebo ngiyayijabulela lemiphakathi emibili ngalemisakazo kodwa sonke siyalwazi usizi lokuntula izimali kwemisakazo yomphakathi. Izindleko zokuphatha umsakazo ziwumqansa kakhulu  njengoba lemisakazo ingatholi uxhaso kuHulumeni njengoba kwenzeka eNhlangwaneni yezokusaza i-South African Broadcasting Corporation (SABC). Ngicabanga ukuthi uHulumeni kumele azinuke amakhwpha ukuthi akakwazi ukuzala ingane bese engayinakekeli. Umqondo wemisakazo yomphakathi kwabe kungumbono kaHulumeni njeng...

Durban, October 31, 2017:  Ushayisa amakhala umbiko wenhlangano eyangamele ezokusaza kuleli Independent Communications Authority of South Africa ngesahlulelo esimayelana nokulandela imigomo yelasiyisense yokusakaza yalesiteshi somsakazo i-Vuma F. Lapha ngikhuluma ngombiko uqoqwe ngonyaka ka 2015/16 (Vuma FM Compliance Report 2015/16) nodedelwe  enyangani kaMbasa kuwo lonyaka wezingama 2017.  Ukuchaza nje kabanzi, kuyaye kuthi njalo ngonyaka lenhlangano ikhiphe umbiko wobuyekezo wokuthi ngabe imisakazo iyayilandela yini imigomo ebekelwe yona yezokusaza.  Umbiko ochaza ngokuthi ngabe umsakazo iVuma Fm ngabe iyayilandela yini imigomo yezokusakaza ngibona ngathi lenhlangano bekungamele uwudedele ngoba ngathi ibingakakulungeli ukuwukhipha.  Umbuzo wami uthi ngabe yini ebesijahiwe sekukhiwa lombiko okushiya uzibuza imibuzo eminingi. Umbuzo wokuqala nje enginawo owokuthi ngesikhathi lenhlangano ihlanganisa lombiko, indaba yobunikazi balomsakazo bebungakaphothulwa...

Durban, October 17, 2017:  Kukhona isisho sesilungu esithi “Like fine wine radio presenters gets better with age”, ngiyaye ngizibuze umbuzo othi ngabe abaphathi bezinhlelo emsakazweni abakaze yini bahlangene nalesi sisho? Sekukaningi sibona imisakozo eminingi ichitha abasakazi ngoba ithi sebebadala abasekho “relevant” kwimakethe. Lokhu kuvele kumangeze ngoba kwalabo basakazi ababizwa nge “young blood” bavele bashaye udaka okube sekumangaza ukuthi yini ke ebahlulayo ukuba relavant? Uma uthi uthatha ukubheka, laba basakazi asebedabala ngingasho ngingabi namahloni ukuthi yibo kanye abaqonda abalaleli kanye nemikhokha (trends) emisha yezokusaka. Lokhu kufakazelwa izinombolo uma kuza ezinhlweni ezishayelwa yila basakazi okuthiwa sebebadala. Ake sithathe uDudu “Lady D” Khoza nohlelo lwakhe uJabul’ujule, lulalelwa yiwo wonke umuntu kusuka kwabadaba kuya kubantu abasha. Yingoba lomsakazi uyakuqonda ukuthi kusho ukuthi ukukhuluma nomlaleli osekhulule nomlaleli osemncane emsakazweni....